CNE Husu Parpol sira harí sede Iha Postu Administrativu sira
Viqueque, 24 Fevereiru 2026
Iha salaun Administrasaun Autoridade Munisipiu Viqueque, Comissão Nacional de Eleições realiza atividade Edukasasun Sívika ba Kuadrus Partidu Polítikus Munisipiu Viqueque hodi koalia kona-ba preparasaun eleisaun Munisipal 2027, 24/02/2026.
Prezidente CNE, Dr. José belo hatete, Eleisaun Munisipal nudar programa Polítika Nonu Governu nian hodi implementa Polítika Desentralizasaun no Poder Lokal no hakbesik governuba povu. Lider Máximu Orgaun Eleitoral ne'e hatutan katak Partidu Polítiku hotu ne'ebe eziste iha Timor Leste iha direitu atu hola parte iha eleisaun ba poder lokal refere, maibe, tuir termu Lei Partidu Foun ne'ebe iha katak, Partidu Polítiku sira presizamentu harí sede iha kada Postu Administrasasun, nune'e bele partisipa iha Eleisaun Munisipal.
Iha fatin hanesan, reprezentante Partidu Politiku sira agredese ba CNE, ne'ebe organiza ona programa edukasaun sívika espesifiku ba PARPOL sira nune'e bele hatene realidade ezistensia PARPOL sira iha kada munisipiu.
Partisipa iha atividade ne'e mak Kuadrus prinsipais Partidu Polítiku sira, hanesan CNRT, FRETILIN, PD, PLP no KHUNTO inklui Partidu sira seluk ne'ebe laiha asentu iha Parlamentu hanesan PUDD, Partido Os Verdes no seluk tan.
Entidade hirak ne'ebe sai nudar orador mak hanesan Prezidente CNE, PAM Viqueue, Komisariu responsavel Munisipiu Viqueque, Komisariu Elvino no Komandante PNTL Munisipiu Viqueque.
deptMDCNE2026
