Jan. 7, 2026 -

Dili, 7 Janeiru 2026

Agenda : 1. Prepara Relatoriu Annual & Relatoriu Mandatu 2021 – 2026

             2. Planu Atividade CNE 2026”

Prezidente CNE Dr. José Agustinho da Costa Belo Pereira, iha inisiu do ano 2026 ne’e hahú kedas ho enkontru Jeral ne’ebe partisipa máximu hosi membrus CNE nian, Dirijentes Kargu de Diresaun Xefias Sekretariadu jeral CNE nian hosi Nivel Nasional, Munisipiu, RAEOA no Ataúro.

Enkontru Jeral ne’e, nudar enkontru dahuluk tinan 2026, hodi foka liu ba servisu principal sira iha tinan 2026, mak sai nudar tinan preparasaun ba eleisaun Prezidensial no Munisipal.

Iha biban ne’e Lider Máximu Orgaun Eleitoral ne’e fo kedas orientasaun ba Sekretariadu Jeral atu bele prepara esbosu relatoriu annual CNE nian Lei Orgaun Eleitoral nain art. 8 nú. 3 ne’ebe hatete “CNE aprezenta relatoriu Anual ba Parlamentu Nasional no koñesimentu ba entidades responsaveis ne’ebe dizigna nia membrus.”

Tuir Orientasaun, CNE mos sei prepara relatoriu Mandatu 2021 – 2026 nian, nune’e bele justifika servisu hotu durante mandate ida nian hodi sai mos memoria intituisional nian.

Mandatu ba Membru CNE nian sei termina iha agostu tinan ne’e.

Enkuantu iha Planu anual CNE 2026 nian  CNE sei tau liu prioridade ba hasa’e Promove esklaresimentu ba sidadaun sira, ka Edukasaun Sívika ligadu ho eleisaun municipal no eleisaun prezidensial. Seluk tan mak, iha tinan 2026 CNE sei hare mos konstrusaun ba Edifisiu Sentru Edukasaun Sívika no Muzeum Eleitoral, Konstrusaun Edifisiu CNE Munisipiu Manufahi no RAEOA.

Dept.MDCNE2026