Lei ho nú.16/2021, alterasaun datoluk hosi lei nú.5/2006, kona-ba Orgaun Administrasaun Eleitoral (OAE) ne'ebe mai hosi baze konstituisaun RDTL, artigu 65.6 ne'ebe hatete"Orgaun Independente ida mak tau matan ba resenseamentu no eleisaun sira, Lei mak estabelese orgaun ne'e nia kompetensia, kompozisaun, organizasaun no knar".

Lei ba Poder Lokal no Desentralizasaun Administrasaun, nú. 23/2021, mak lei ne'ebe esplika kona-ba estabelesimentu poder lokal, atribuisaun kompetensia, knar, orsamentu, organizasaun, funsionamentu no seluk tan ne'ebe ligdu ho prosesu intalasaun munisipal.

Lei ba Eleisaun Munisipal nu. 22/2021, mak lei ne'ebe koalia kona-ba regulamentu sira ba eleisaun orgaun reprezentativu munisipiu nian.

Tuir Progrma politika Nonu Governu nian, Eleisaun munisipal sei akontese hafoin konklui avaliasaun minimu sira iha kada munisipiu nian.

CNE ne'ebe iha kompetensia promove esklaresimentu ba sidadaun sira, hahú kedas sosializa lei ba eleisaun munisipal nian.